Праблемы экалогіі заўсёды цікавілі нашых школьнікаў. У нас заўсёды прыбраны школьны двор, кожную вясну аднаўляюцца і майструюцца шпакоўні, саджаюцца дрэвы і інш.  Даведаліся вучні аб шкодзе, якую нясуць адпрацаваныя батарэйкі.

У Еўропе даўно наладжаны збор такіх элементаў. Не сталі чакаць і мы. Такую скрыню змайстравалі, ўстанавілі ў зручным месце. А каб зразумела было ўсім, і скрыня наша папаўнялася, 10-класнікі расказалі школьнікам і настаўнікам, якую шкоду нясуць выкінутыя ў звычайнае смецце батарэйкі. Праблемы забруджвання былі адлюстраваны ў мультымедыйным фільме, які дэманстраваўся для ўсіх вучняў. Наладзілі конкурс на лепшы слоган, які заклікае збіраць батарэйкі ў спецыяльна адведзеныя месцы.

Скрыня папаўняецца кожны дзень. Дзеці прыносяць выкарыстаныя батарэйкі ад гадзіннікаў, ліхтарыкаў, мабільных тэлефонаў. Прычым, у знаёмых і суседзяў таксама пытаюцца: “А ці ёсць у вас непатрэбныя батарэйкі?”.  Потым мы плануем здаць свой “скарб” у агульныя  кантэйнеры, што ўжо размяшчаюцца ў рэспубліцы .

 Галіна СМІРНОВА,

 намеснік дырэктара па выхаваўчай рабоце Ленінскага ВПК «Дзіцячы сад-АСШ».