Збажына, над якой не адзін месяц рупіліся раённыя хлебаробы, дала добры ўраджай і ўпэўнена “перацякае” ў засекі.

Па апошніх дадзеных, убрана 8023 гектараў або 63% ад неабходнага. Намалочана 26081 тона зерня пры сярэдняй уражайнасці 33 цэнтнеры з гектара.

Найвышэйшую ўраджайнасць упэўнена трымае СВК “Гігант” — 80 ц/га. Другі па велічыні паказчык застаецца ў ААТ “Неўскі-Агра” — 42 ц/га, трэці — у ААТ “Міхалёўская Ніва” — 40 ц/га. Вышэй за сярэднераённы паказчык ураджайнасць зерня таксама ў філіяле “Варатынь” ААТ “БЗТДіА” — 38 ц/га.

У ААТ “Агракамбінат Бабруйскі” ўборку збажыны цалкам завяршылі, у філіяле “Харчавік-Агра” ААТ “Чырвоны харчавік АграСэрвіс” — вось-вось завершаць.

Актыўна вядзецца пастаўка новага ўраджаю ў лік дзяржзаказу. З даведзенага раёну плана ў 2540 тон зерня пастаўлена 1651 тона ці 65%.

Адначасова з уборкай хлябоў у сельгасарганізацыях рыхтуюцца да сяўбы азімага рапсу, працягваюць нарыхтоўку травянога корму для жывёлы.   

Алена КАРПЕНКА.