Сакавітыя зялёныя кармы, на якія багата лета, садзейнічаюць павелічэнню надояў малака ў гаспадарках. Апошняе, па словах намесніка начальніка райсельгасхарчу Аляксандра Зубкова, пацвярджаюць і лічбы:

— У цэлым па раёне валавы надой малака па стану на ўчарашні дзень склаў амаль 106 працэнтаў да мінулагодняга ўзроўню. Паказчык сярэднесутачнага надою ад каровы некалькі ніжэй за леташні, але гэта звязана з павелічэннем колькасці кароў у сельгасарганізацыях. Павялічыліся надоі ў СВК “Стасеўка” — 121 працэнт, СВК “Гігант” — 108, СВК “Калгас імя Дзяржынскага” — 102, ААТ “Аграмашсервіс” — 105, РУСП “Саўгас “Кісялевічы” і ААТ “Агракамбінат “Бабруйскі” — 100 працэнтаў. Добра працуюць у СВК “Калгас імя А. Неўскага” — 117 працэнтаў.

Не дасягнулі мінулагодніх паказчыкаў у вытворчасці малака філіялы “Харчавік-Агра” ААТ “Чырвоны харчавік” — 96 працэнтаў і “Варатынь” РУП “БЗТДіА” — 98, а таксама ААТ “Леніна Агра” — 88 працэнтаў.

Што тычыцца паказчыка ўдою на карову ў дзень, то ён  па-ранейшаму найвышэйшы ў РУСП “Саўгас “Кісялевічы” — 23,49 кг, другі па велічыні  — у СВК “Калгас імя А. Неўскага” — 17,10 кг, трэці — у СВК “Гігант” — 15,55 кг.

Вялікая ўвага апошнім часам, і асабліва ў Год якасці, надаецца павышэнню якасці прадукцыі. Новы малочна-таварны комплекс в. Акцябр СВК “Калгас імя А. Неўскага” пастаўляе малако дзяржаве выключна экстра-класам. Высокаякаснае малако прадаюць дзяржаве СВК “Стасеўка” і РУСП “Саўгас “Кісялевічы”.

Гэта тое, што маем. І мерапрыемствы, накіраваныя на павышэнне якасці малака, будуць працягвацца. Да прыкладу, у раёне маецца некалькі ферм, дзе малако дояць яшчэ ў вёдры. Сёлета плануецца іх рэканструкцыя з усталяваннем малакаправода. Там жа, дзе гэтае абсталяванне ўжо адпрацавала сваё, будзем мяняць на новае. У “Саўгасе “Кісялевічы” збіраюцца набыць сучасны сепаратар малака, што, без сумнення, на ўзровень падыме гатунковасць.  Усё гэта, паўтаруся, робіцца для таго, каб павысіць якасць прадукцыі.

Размову вяла

 Алена КАРПЕНКА.