Чарговае пасяджэнне пастаянна дзеючай раённай камісіі па кантролі за садзеяннем занятасці насельніцтва прайшло ў Бабруйскім РАУС. Узначаліла работу камісіі яе старшыня — кіраўнік дэпутацкага корпуса раёна Ірына Старавойтава.

Асаблівасцю правядзення пасяджэння на базе райаддзела міліцыі з’яўляецца тое, што наведвальнікі камісіі не толькі афіцыйна не працаўладкаваны, але і парушальнікі грамадскага парадку. Таму пасля праведзенай з імі членамі камісіі работы па дапамозе ў працаўладкаванні — прапанове вакансій у сельскай мясцовасці і горадзе, тлумачэння алгарытму дзеянняў падчас навучання новай прафесіі — прадстаўнікі міліцыі нагадалі грамадзянам правілы паводзін у грамадскіх месцах і сям’і.

Падчас пасяджэння члены камісіі таксама прынялі рашэнні прызнаць занятымі ў эканоміцы на той ці іншы перыяд часу грамадзян, у асноўным работнікаў РФ, на падставе прадастаўленых імі дакументаў аб працаўладкаванні.

Тэкст і фота Алены КАРПЕНКА.