Трыццаць пятае пасяджэнне прэзідыума Бабруйскага раённага Савета дэпутатаў прайшло сёння ў райвыканкаме. Узначаліла работу пасяджэння старшыня райсавета дэпутатаў Ірына Старавойтава.

Члены прэзідыума абмеркавалі і прынялі рашэнні па шэрагу пытанняў, сярод якіх асноўныя — “Аб рэалізацыі на тэрыторыі Бабруйскага раёна Закона Рэспублікі Беларусь ад 17 красавіка 1992 г. №1596-XII “Аб пенсійным забеспячэнні” (дакладчык: начальнік упраўлення па працы, занятасці і сацыяльнай абароне райвыканкама Наталля Пясоцкая) і “Аб стане воінскіх захаванняў, мемарыяльнага комплекса, памятных знакаў на тэрыторыі Бабруйскага раёна і мерах, якія прымаюцца па іх добраўпарадкаванні” (дакладчык: начальнік аддзела ідэалагічнай работы і па справах моладзі райвыканкама Дзмітрый Вяроўкін).

Заслухаўшы і абмеркаваўшы першае пытанне, прэзідыум адзначыў, што ў раёне праводзіцца адпаведная работа па выкананні Закона “Аб пенсійным забеспячэнні”.  Па стане на 1 мая, на ўліку ва ўпраўленні па працы значыўся 5161 атрымальнік пенсій. У раённых СМІ, на сайце райвыканкама, іншых інтэрнэт-пляцоўках пастаянна размяшчаецца і абнаўляецца інфармацыя па тлумачэнні і прымяненні норм пенсійнага заканадаўства, прадастаўленні ільгот розным катэгорыям насельніцтва.

У дачыненні стану воінскіх захаванняў было адзначана, што на тэрыторыі Бабруйскага раёна знаходзіцца 105 захаванняў розных катэгорый, у тым ліку 65 брацкіх магіл, 38 — індывідуальных, 2 захаванні ахвяр войнаў. 6 воінскіх захаванняў маюць статус гісторыка-культурнай каштоўнасці. Памяць пра абаронцаў Айчыны, ахвяр войнаў, месцах працоўнай і баявой славы Бабруйшчыны захоўваюць 20 памятных знакаў па-за вонскімі захаваннямі, мемарыяльны комплекс і Парк воінскай Славы. Устаноўлена схема межаў ахоўных зон мемарыялаў, помнікаў воінскай славы, месцаў захавання.

Таксама членамі прэзідыума былі абмеркаваны іншыя актуальныя пытанні. Па кожным з іх зацікаўленым службам зроблены адпаведныя даручэнні.

Тэкст і фота Алены КАРПЕНКА.