Сёння, 23 мая, на плошчы Свабоды г. Мінска праходзіць адкрыты фестываль народных рамёстваў.

На выставе-кірмашы прадстаўлены работы майстроў прыкладнога майстэрства з усіх куткоў Беларусі, праходзяць майстар-класы па валянні, кераміцы, ганчарнай справе, роспісы па дрэве і на перніках, фларыстыцы, адбудзецца канцэрт з удзелам творчых калектываў краіны і шмат іншага.

Бабруйскі раён на мерапрыемстве прадстаўляе народны калектыў майстроў дэкаратыўна-прыкладнога мастацтва «Млын жыцця» у суправаджэнні старшага інспектара сектара культуры райвыканкама Вольгі Хатэнка.