За добрасумленную працу, высокі прафесіяналізм і дасягненне высокіх паказчыкаў у прафесійнай дзейнасці па выніках работы за 2025 год Ганаровай граматай Бабруйскага раённага выканаўчага камітэта ўзнагароджана Аксана Смалякова, памочнік урача па амбулаторна-паліклінічнай дапамозе Ленінскай амбулаторыі ўрача агульнай практыкі. Ліста ўдзячнасці Бабруйскага раённага Савета дэпутатаў удастоены загадчык гаспадаркай БГП №2 Анатоль Шаўко.

Узнагароды Аксане Уладзіміраўне і Анатолю Аляксандравічу ўручыла старшыня Бабруйскага раённага Савета дэпутатаў Ірына Старавойтава падчас ўрачыстасці з нагоды падвядзення вынікаў работы ўстаноў аховы здароўя Бабруйшчыны за мінулы год.

Мерапрыемства, на якім працаўнікі галіны абмеркавалі свае дасягненні і вызначыліся з планамі на будучыню, прайшло ў Бабруйскай цэнтральнай бальніцы. 

Алена КАРПЕНКА.

Фота Аляксандра АНТАШКЕВІЧА.