Абласны форум сельскай моладзі, якая працуе ў арганізацыях аграпрамысловага комплекса Магілёўшчыны, “Вёска — тэрыторыя развіцця” праходзіць сёння ў Горацкім раёне з удзелам намесніка старшыні Магілёўскага аблвыканкама Сяргея Савіцкага.

Ад нашага раёна ў форуме ўдзельнічаюць два чалавекі: аграном-насенневод СВК “Гігант” Вікторыя Ладынская і інжынер па ахове працы, пажарнай бяспецы і тэхніцы бяспекі ААТ “Агракамбінат Бабруйскі” Дар’я Сцяпанава.

На пачатку мерапрыемства маладыя людзі ўсклалі кветкі да мемарыяла “Смуткуючая маці” ”Іх подзвіг у памяці мы захаваем”. У праграме форума — наведванне рыбаводнага індустрыйнага комплекса Беларускай дзяржаўнай сельскагаспадарчай акадэміі, ААТ “Малочныя горкі” і Горацкага харчовага камбіната, дэгустацыя прадукцыі прадпрыемстваў.
У другой палове дня ў межах абмеркавання тэхналогій кропкавага земляробства, якое пройдзе ў сценах Беларускай дзяржаўнай сельскагаспадарчай акадэміі, удзельнікі наведаюць вучэбна-выставачны цэнтр сельгастэхнікі, машын і агрэгатаў і вучэбна-практычны цэнтр па прыродаўсталяванні і будаўніцтве. У канферэнц-зале навучальнай установы пройдзе прафесіянальны дыскурс “Погляд моладзі на развіццё сельскагаспадарчай галіны “ з удзелам Сяргея Савіцкага.
Завяршэннем моладзевай сустрэчы стане таварыскі матч па валейболе “Мяч сяброўства”.
Мерапрыемства ўчынена ў мэтах стварэння ўмоў для павышэння сацыяльнай і эканамічнай актыўнасці моладзі, замацавання маладых спецыялістаў на прадпрыемствах АПК.

Алена КАРПЕНКА.