Зараз кожную пятніцу ў бібліятэках праходзяць мерапрыемствы, адлюстроўваючыя найбольш адметныя сведчанні гістарычнага, культурнага і духоўнага развіцця народа Беларусі ў рамках рэспубліканскай акцыі “Кожная пятніца — роднае, сваё!”.

У бібліятэцы аг. Варатынь прайшла пазнавальная гадзіна “Краіна, мова, маці” .

Бібліятэка аг. Хімы запрасіла маленькіх наведвальнікаў на гучнае чытанне беларускіх казак “Чытаем беларускія кнігі”.

Беларускай мове прысвяціла гадзіну роднай мовы “Ведай і любі родную мову” бібліятэкар аг. Кавалі.

Літаратурная сустрэча “Добры дзень, кніжка беларуская!” адбылася ў цэнтральнай раённай бібліятэцы.

Віктарыну на веданне беларускага фальклору “Героі народных казак” прапанавала сваім чытачам бібліятэкар Глушанскай сельскай бібліятэкі.

Цікавая пазнавальная гадзіна “Беларуская лялька” у Гарохаўскай сельскай бібліятэцы была прысвечана знаёмству з народнымі рамёствамі вырабу лялек, вышыўкі і ткацтва.

Да Дня беларускай навукі прымеркавала інфармацыйную гадзіну “Дасягненні беларускай навукі” бібліятэкар Туголіцкай сельскай бібліятэкі.