Малака надаілі болей
Па дадзеных Бабруйскага райсельгасхарча, ад пачатку кастрычніка (за 27 дзён) тэмп росту вытворчасці малака ў раёне, у параўнанні да адпаведнага перыяду мінулага года, склаў 111%.
Нарошчванне аб’ёмаў вытворчасці адзначана ў СВК “Гігант” (120%), ААТ “Неўскі-Агра” (134%), філіяле “Харчавік-Агра” ААТ “Чырвоны харчавік-АграСэрвіс” (173%), ААТ “Міхалёўская Ніва” (117,5%) і ААТ “Агракамбінат Бабруйскі” (126%).
Надой малака на адну карову за адпаведны перыяд склаў 363,8 кг, што на 47,3 кг болей за ўзровень мінулага года. Павялічаны надой у СВК “Гігант”, ААТ “Міхалёўская Ніва”, ААТ “Неўскі-
Агра”, філіяле “Харчавік-Агра”, ААТ “Агракамбінат Бабруйскі”.
Рэалізацыя малака з пачатку месяца склала 2907,6 т ці 111% да ўзроўню папярэдняга года. Найбольшы прырост атрыманы ў філіяле “Харчавік-Агра” ААТ “Чырвоны харчавік-АграСэрвіс” — 178,4%. Павялічылі аб’ёмы продажу таксама СВК “Гігант” (121,5%), ААТ “Неўскі-Агра” (117,5%), ААТ “Міхалёўская Ніва” (123,1%) і ААТ “Агракамбінат Бабруйскі” (124,6%).
Алена КАРПЕНКА.
Фота Віктара ШЭЙКІНА.
