Стартаваўшы колькі дзён таму, кампанія па ўборцы каласавых — азімага ячменю, у раёне набірае абароты, у яе ўключаюцца ўсё новыя сельгасарганізацыі.

Па стане на раніцу ўчарашняга дня, як паведамілі ў райсельгасхарчы, расліна ўбрана з плошчы 141 гектар ці 6% ад плану. Намалочана 550 тон зерня пры сярэдняй ураджайнасці 35 ц/га. Пры гэтым у ААТ “Неўскі-Агра” з круга ўзялі па 40 цэнтнераў, у філіяле “Харчавік-Агра” ААТ “Чырвоны харчавік-АграСэрвіс” — па 30 ц. У ААТ “Міхалёўская Ніва” ўбрана пакуль 4 га.

Працягваецца нарыхтоўка травянога корму. З траў другога ўкосу перавагу ў гаспадарках аддаюць сену — выкарыстоўваюць спякоту апошніх дзён, аднак не зніжаюць і тэмпы нарыхтоўкі сенажу. У цэлым па раёне сена маецца 1500 тон або 18% ад патрэбы, сенажу нарыхтавана звыш 65 тысяч тон ці 73% ад неабходнага.
Актыўна, па ўсіх накірунках, вядзецца падрыхтоўка да масавай уборкі хлябоў.
Алена КАРПЕНКА.

Фота Віктара ШЭЙКІНА.