У Осава ўшанавалі слаўных землякоў
Незабыўна ўшанавалі памяць загінулых у гады Вялікай Айчыннай вайны землякоў і ўсіх, хто абараняў родную зямлю ад нямецка-фашысцкіх акупантаў, у в. Осава Гарбацэвіцкага сельсавета.
Намаганнямі старасты населенага пункта Віктара Саўко пры падтрымцы сельвыканкама, мясцовай школы, клуба-бібліятэкі, з удзелам сяльчан правялі традыцыйны мотаблокпрабег “Мы гэтай памяці верныя”.
Падчас мерапрыемства адбыўся малебен, які правёў айцец Сергій, настаяцель Свята-Серафімаўскай царквы, і мітынг-рэквіем. Удзельнікі прабегу ўрачыста адкрылі алею Памяці і Славы, усклалі кветкі да брацкага захавання.
— Ушаноўваць людзей, якія аддалі жыцці за мірнае сёння — наш святы абавязак, — адзначыла старшыня сельвыканкама Галіна Прыгара. Яна павіншавала ўсіх з надыходзячым 80-годдзем Вялікай Перамогі і падзякавала жыхарам вёскі за ініцыятыўнасць і захаванне памяці пра землякоў і ўсіх, хто цаной жыцця абараніў Радзіму.
Алена КАРПЕНКА.
