Пазачарговае пасяджэнне Бабруйскага раённага выканаўчага камітэта пад кіраўніцтвам старшыні райвыканкама Аляксандра Сухадольскага прайшло сёння.

Удзельнікі пасяджэння абмеркавалі пытанне забяспечанасці СВК “Гігант” кандыцыйным насеннем яравых збожжавых і зернебабовых раслін — даклад па ім зрабіў начальнік вытворча-тэхналагічнага аддзела райсельгасхарча Віктар Садоўскі. Таксама былі заслуханы начальнік Бабруйскай раённай дзяржаўнай інспекцыі па насенневодстве, каранціне і ахове раслін Сяргей Казяба і старшыня праўлення СВК “Гігант” Васіль Жук.

— Каляндарная вясна не за гарамі, таму да 10 лютага ўсе датычныя насення ярыны пытанні ў гаспадарцы павінны быць вырашаны, — падкрэсліў старшыня райвыканкама.   

Алена КАРПЕНКА. Фота Віктара ШЭЙКІНА.