Да ветэранаў працы СВК “Гігант”, якія адзначаны дзяржаўнымі ўзнагародамі: медалямі “За працоўную адзнаку”, “За працоўныя заслугі”, ордэнам Працоўнай Славы, а таксама да маці загінулага воіна-інтэрнацыяналіста, земляка Віталя Казлова, у Дзень пажылых людзей наведаліся прадстаўнікі сельгаскааператыва і Бортнікаўскага сельвыканкама.

Яны падзякавалі колішнім працаўнікам за неацэнны ўнёсак у эканамічную стабільнасць гаспадаркі і дабрабыт роднага краю. Ад раённага Савета дэпутатаў, дэпутатамі якога з’яўляюцца, старшыня праўлення СВК “Гігант” Васіль Жук, намеснік старшыні Анастасія Гацко і старшыня Бортнікаўскага сельвыканкама Вераніка Падаляк уручылі пачэсным грамадзянам віншавальныя адрасы, а таксама падарункі — прадуктовыя наборы ад перапрацоўшчыкаў сельгаспрадукцыі “Бабулінай крынкі”, набытыя за сродкі “Гіганта”.

Алена КАРПЕНКА. Фота з архіва СВК «Гігант».