Дэпутат Палаты прадстаўнікоў Нацыянальнага сходу Рэспублікі Беларусь Антон Каранкевіч працягвае работу ў выбарчай акрузе — сустракаецца з працоўнымі калектывамі раённых устаноў і арганізацый.

Прысутнічаючы сёння на Дні інфармавання насельніцтва ва УКП “Жылкамгас”, зрабіў прэзентацыю на тэму “Мы разам назаўжды: да 85-годдзя ўз’яднання заходняй Беларусі і БССР”, пацікавіўся праблемнымі пытаннямі арганізацыі.

Падчас сустрэчы са старшакласнікамі і педагогамі Каменскай сярэдняй школы распавёў пра законатворчую дзейнасць парламентарыяў на дадзеным этапе і свой шлях у дэпутацтва. Зрабіў экскурс па школе, дзе апошнім часам здзейснена шмат станоўчых перамен у плане добраўпарадкавання будыніны і тэрыторыі, абнаўлення сродкаў навучання. Заклікаў школьнікаў быць патрыётамі малой і вялікай Радзімы, сур’ёзна ставіцца да навучання, каб абранай у будучым прафесіяй садзейнічаць дабрабыту краіны. 

Калектыву раённага гісторыка-краязнаўчага музея, дзе пабываў разам з намеснікам старшыні райвыканкама Таццянай Варанко, — дэпутат перадаў у якасці экспанатаў копіі беларускіх газет з Прэзідэнцкай бібліятэкі, якія выходзілі на тэрыторыі Заходняй Беларусі, калі яна ўваходзіла ў склад Польшчы. Пазнаёміўся з абноўленымі экспазіцыямі музея, пацікавіўся ўмовамі працы і быту, створанымі для маладога спецыяліста ўстановы.

Алена КАРПЕНКА. Фота Віктара ШЭЙКІНА.