На ўрачыстасць з нагоды Дня народнага адзінства, якая ладзіцца сёння ў Палацы культуры Магілёўскай вобласці, накіравалася і дэлегацыя Бабруйскага раёна ў складзе старшыні райвыканкама Аляксандра Сухадольскага, Ганаровага грамадзяніна Бабруйскага раёна Анатоля Сінкаўца, старшыні раённага Савета ветэранаў Яўгеніі Доўнар і дырэктара Бабруйскага сацыяльнага пансіяната “Каменка” Галіны Саўчанкі.

“Дзень народнага адзінства — свята як асабіста кожнага з нас, беларусаў, так і ўсіх, хто жыве на беларускай зямлі, для ўсяго нашага грамадства. Гэта свята нашай дзяржаўнасці, нашага адзінства, да чаго беларусы пераадолелі няпростыя часы. Гэта таксама і дзень памяці пра людзей, якія стваралі нашу дзяржаўнасць. Напярэдадні 17 верасня ўсім беларусам жадаю здароўя, дабрыні і міру”, — адзначыла Галіна Саўчанка.

“Удзельнічаць у святочным мерапрыемстве для мяне надзвычай пачэсна, а новае дзяржаўнае свята лічу адным з галоўных у краіне, — заўважыў Анатоль Сінкавец. — Бо сімвалізуе нашу, беларусаў, еднасць, якая бярэ пачатак у часы ўз’яднання Заходняй Беларусі з Усходняй. Тое, што да нас прыязджаюць і прымаюць беларускае грамадзянства прадстаўнікі іншых нацыянальнасцяў, падкрэслівае, што адзінства нашага народа ацэньваюць і прымаюць і іншыя. Сёння беларускі народ як ніколі моцны. І вялікі гонар за нашага Прэзідэнта — нам многія зайздросцяць”.

“Дзень Народнага адзінства дае нам усведамленне, што наш народ — згуртаваны і гатовы да пераадолення любых цяжкасцяў. А разам нагадвае пра значнасць нацыянальнага адзінства і патрыятызму, якія павінны стаць асновай для далейшага развіцця нашай краіны, — падзялілася Яўгенія Доўнар.