26 аператараў машыннага даення з ААТ “Неўскі-Агра” і ААТ “Міхалёўская Ніва” вытрымалі іспыт на прысваенне звання “Майстар жывёлагадоўлі” — сумеснае мерапрыемства ААТ “БНБК-АГРА Бабруйск” і Бабруйскага райсельгасхарчу прайшло днямі ў раёне.

Прафесійнаму іспыту папярэднічала павышэнне кваліфікацыі даярак, учыненае на базе іх гаспадарак Дзяржаўнай установай дадатковай адукацыі дарослых “Цэнтр падрыхтоўкі, павышэння кваліфікацыі і перападрыхтоўкі кадраў упраўлення па сельскай гаспадарцы і харчаванні Магілёўскай вобласці ў г. Горкі”. У наступным месяцы адпаведнае навучанне плануецца правесці з аператарамі машыннага даення ААТ “Агракамбінат Бабруйскі” і ААТ “Саўгас Кісялевічы”.

Дадзеная работа ў сельгасарганізацыях, што ўваходзяць у давернае кіраванне ЗАТ “БНБК”, з’яўляецца водгукам на Указ Прэзідэнта Рэспублікі Беларусь №375 “Аб аб’яўленні 2024 года Годам якасці” — праводзіцца ў мэтах рэалізацыі якаснай прадукцыі і далейшага павышэння якасці жыцця, забеспячэння канкурэнтаздольнасці нацыянальнай эканомікі на сусветнай арэне, стымулявання ініцыятывы, фарміравання ў грамадстве адказнасці за вынікі сваёй працы і пачуцця датычнасці да будучыні краіны.

Ул. інф. Фота з архіва ААТ “БНБК-АГРА Бабруйск”.