Асноўнымі пасыламі Усебеларускага народнага сходу, уражаннем ад маштабнага мерапрыемства, дэлегатам якога быў, старшыня райвыканкама Аляксандр Сухадольскі падзяліўся з працоўным калектывам Бабруйскага лясгаса.

Коратка спыніўшыся на парадку першага і другога дзён Сходу, які прайшоў пад дэвізам “Час выбраў нас”, кіраўнік раёна засяродзіў увагу на пытанні выбараў старшыні УНС, намесніка старшыні і прэзідыума, распавёў пра іх функцыі і значэнне — калектыўна прымаць найбольш значныя для краіны рашэнні. Падрабязна распавёў пра прынятыя Сходам надзвычай важныя для Рэспублікі Беларусь і кожнага жыхара дакументы: Канцэпцыю нацыянальнай бяспекі і Ваенную дактрыну. Падкрэсліў, што неабходнасць у іх абнаўленні ўзнікла ў сувязі з няпростымі геапалітычнымі абставінамі і ў першую чаргу — недружалюбнасцю краін-суседак.

— Абноўленая Канцэпцыя нацыяльнай бяспекі накіравана на захаванне суверэнітэту Беларусі. І ў гэтай сувязі Аляксандр Лукашэнка на Усебеларускім народным сходзе незнарок звярнуўся да кожнага жыхара, заклікаў нас з вамі быць абачлівымі, пільнымі ў адносінах таго, што адбываецца навокал, паведамляць пра любыя выпадкі экстрэмізму, на якія тут жа будзе дадзены адпаведны адказ, — адзначыў Аляксандр Сухадольскі.

Што датычыцца Ваеннай дактрыны, то яна, па словах кіраўніка раёна, па-ранейшаму захоўвае абараняльны характар. І выказаў упэўненасць, што ў выніку любой пагрозы беларусы, у тым ліку жыхары Бабруйшчыны, выступяць на абарону сваіх сямей і сваёй Радзімы.  

Фота Віктара ШЭЙКІНА.