Пра работу Усебеларускага народнага сходу, яго асноўныя пасылы і мэты старшыня райвыканкама Аляксандр Сухадольскі правёў размову і падчас сустрэчы з працаўнікамі філіяла “Харчавік-Агра” ААТ “Чырвоны харчавік-АграСэрвіс”.

— Я быў дэлегатам гэтага знакавага мерапрыемства, таму сваім абавязкам лічу данесці да вашага ведама асноўнае, пра што там гаварылася, а разам і адказаць на пытанні, калі такія маюцца, адносна тэм Сходу, — звярнуўся да работнікаў сельгаспрадпрыемства кіраўнік раёна.  

Аляксандр Мікалаевіч падрабязна спыніўся на прынцыпах фарміравання складу УНС. Заўважыў, што дэлегатамі Сходу сталі прадстаўнікі шырокіх слаёў грамадства: ад вертыкалі ўлады да членаў грамадскіх арганізацый і партый, дэпутаты ўсіх узроўняў, што пацвярджае наяўнасць прынцыпу народаўладдзя ў краіне.

Асобна старшыня райвыканкама спыніўся на абмеркаваных і падтрыманых дэлегатамі Усебеларускага народнага сходу Канцэпцыі нацыянальнай бяспекі і Ваеннай дактрыны. Распавёў прычыны, з-за якіх ўзнікла неабходнасць у абнаўленні гэтых важных дакументаў. Сярод асноўных — абарона суверэнітэту Рэспублікі Беларусь, папярэджанне і прадухіленне любой пагрозы нацыянальнай бяспекі, захаванне магчымасці жыць у вольнай і мірнай краіне.

Аляксандр Сухадольскі завяршыў свой выступ зваротам да работнікаў сельскай гаспадаркі, у асаблівасці моладзі, займацца стваральнай працай на карысць роднай Беларусі.      

Фота Віктара ШЭЙКІНА.