Старшыня Бабруйскага раённага аб’яднання прафсаюзаў Віталь Сідзюк і галоўны спецыяліст аддзела ідэалагічнай работы і па справах моладзі райвыканкама Сяргей Сарокін правялі сёння сустрэчу з маладымі спецыялістамі ААТ “Неўскі-Агра” і філіяла “Харчавік-Агра” ААТ “Чырвоны харчавік-АграСэрвіс”. Мэтай мерапрыемства стала вывучэнне ўмоў працы моладзі на першым працоўным месцы.

Падчас сустрэчы былі абмеркаваны актуальныя праблемныя для маладых спецыялістаў пытанні, што дазволіць выпрацаваць алгарытм дзеянняў па іх вырашэнні. У рамках апошняга прайшла і сустрэча з прадстаўнікамі наймальніка. 

Таксама маладым людзям нагадалі пра магчымасць звяртацца за прававой кансультацыяй у раённае аб’яднанне прафсаюзаў ці выкарыстоўваць для гэтага тэлеграм-канал “Маладыя спецыялісты”. 

— Канструктыўная размова з пачынаючымі работнікамі дала магчымасць выявіць накірункі, па якіх будзем працаваць у далейшым, у тым ліку з наймальнікам, — адзначыў Віталь Сідзюк.

Па словах Сяргея Сарокіна, адпаведныя сустрэчы маюць вялікую значнасць як для моладзі, так і раённай улады, прафсаюзаў, таму будуць праводзіцца на пастаяннай аснове.