Раённая нарада-вучоба па пытаннях яравой сяўбы прайшла сёння на базе філіяла “Харчавік-Агра” ААТ “Чырвоны Харчавік-АграСэрвіс”. Узначаліў мерапрыемства першы намеснік старшыні райвыканкама-начальнік райсельгасхарчу Аляксей Жураўлёў, удзел прынялі спецыялісты райсельгасхарчу, кіраўнікі, галоўныя аграномы і інжынеры сельгасарганізацый, кіраўнікі зацікаўленых службаў.

Мэта нарады — на старце сяўбы яшчэ раз дэтальна прайсціся па кожным, датычным пасяўной кампаніі пытанні, каб у напружаны час да іх не вяртацца.

Падчас нарады разгледжаны арганізацыя работ на полі, настройка пасяўной тэхнікі на якасную работу, расцэнкі за кожны від работ, нормы высейвання насення, забеспячэнне працаўнікоў сродкамі індывідуальнай аховы, правядзенне інструктажоў, наладжанне харчавання и г. д.

“Наша сённяшняя задача — зняць усе праблемныя пытанні, нацэліць кіраўнікоў, калектывы на якасную і тэхналагічную сяўбу”, — адзначыў начальнік райсельгасхарчу падчас мерапрыемства.

Алена КАРПЕНКА. Фота Віктара ШЭЙКІНА.