Рамонтныя работы ў сельгаспрадпрыемствах раёна працягваюцца
За вытворчасцю малака і мяса ў сельгаспрадпрыемствах раёна не забываюцца рыхтавацца да новай пасяўной. Адзін з галоўных клопатаў — падрыхтоўка тэхнікі да веснавых палявых работ.
Да рамонту ў гэты сезон, як паведамілі ва ўпраўленні па сельскай гаспадарцы і харчаванні Бабруйскага райвыканкама, належала звыш 100 адзінак сельскагаспадарчай тэхнікі. Рамонтныя работы ў майстэрнях традыцыйна пачаліся ў лістападзе і вядуцца ў адпаведнасці з распрацаваным планам. Да прыкладу, у студзені патрабуецца адрамантаваць 24 адзінкі, з якіх 5 трактароў, 4 пасяўныя агрэгаты і іншую розную прычапную сельгастэхніку.
— Марудзіць у гэтым пытанні няма як, — адзначыў намеснік начальніка райсельгасхарчу Аляксандр Каўранін, — да 1 сакавіка гатоўнасць тэхнікі мы павінны забяспечыць на 95%.
Алена КАРПЕНКА. Фота носіць ілюстрацыйны характар.