У раёне падымаюць зябліва
Пасля завяршэння асноўных уборачных работ — на полі на гэтую пару застаюцца толькі рэшткі кукурузы — у раённых сельгасарганізацыях актыўна заняліся падняццем зябліва.
Восеньскае ворыва, па стане на раніцу ўчарашняга дня, праведзена на плошчы 3685 гектараў або 33% ад плану. Больш астатніх зябліва паднята ў СВК “Гігант” — 65% ад патрэбы, другі па велічыні паказчык у ААТ “Міхалёўская Ніва” — 35%.
Што да кукурузы, то яе засталося ўбраць, ці лепей сказаць — завяршыць уборку, выключна на зерневыя мэты. Клінок убранага на ўчарашнюю раніцу складаў 1679 гектараў ці 85% ад плану. Намалочана 15 200 тон зерня пры сярэдняй ураджайнасці 90 ц/га.
Найбольшая ўраджайнасць кукурузы на зерне адзначана ў ААТ “Неўскі-Агра” — 136 ц/га, другі па велічыні паказчык у ААТ “Саўгас Кісялевічы” — 125 ц/га. Вышэй за сотню ўраджайнасць таксама ў СВК “Гігант” — 103 ц/га.
Алена КАРПЕНКА. Фота носіць ілюстрацыйны характар.