Студатрадаўскі рух у раёне не спыняецца
У райвыканкаме прайшло пасяджэнне раённага аператыўнага штаба па каардынацыі і кантролі дзейнасці студэнцкіх атрадаў. Яго работу ўзначаліла намеснік старшыні райвыканкама Таццяна Варанко.
На пасяджэнні былі падведзены прамежкавыя вынікі дзейнасці студатрадаўскага руху на тэрыторыі раёна з пачатку года — улетку байцамі студэнцкіх атрадаў сталі 67 чалавек — а таксама намечана работа двух новых сельскагаспадарчых атрадаў, якія, як мяркуецца, у хуткім часе задзейнічаюць на базе СВК “Гігант” і ААТ “Агракамбінат Бабруйскі”.
— У “Гіганце” будуць працаваць рабяты з Бортнікаўскай сярэдняй школы, у “Агракамбінаце Бабруйскі” — з Гарбацэвіцкай СШ, — адзначыў сакратар аператыўнага штаба, галоўны спецыяліст аддзела ідэалагічнай работы і па справах моладзі райвыканкама Сяргей Сарокін. Першы сакратар РК ГА “БРСМ” Дар’я Панцялеева заўважыла, што сярод удзельнікаў восеньскага студатрадаўскага руху шмат тых, хто паспытаў сельскагаспадарчай працы ўлетку, што азначае — работа вучням спадабалася, гэтак жа, як і заробак за яе.