Сёння ў Магілёве прайшла ўрачыстасць з нагоды Дня маці. Гасцямі свята сталі 30 жанчын-маці з усіх куткоў Прыдняпроўскага краю, якія дасягнулі значных поспехаў у рабоце і грамадскай дзейнасці.  

Ад нашага раёна удзел ва ўрачыстым мерапрыемстве прынялі дырэктар Каменскага псіханеўралагічнага дома-інтэрната Галіна Саўчанка і загадчыца малочна-таварнага комплекса філіяла “Варатынь” ААТ “Бабруйскі завод ТДіА” Тамара Хлебапашава, аб працоўных дасягненнях якіх неаднойчы пісала раённая газета.

Словы падзякі за працу, актыўную грамадзянскую пазіцыю, павіншаваўшы жанчын з надыходзячым святам, выказаў першы намеснік старшыні Магілёўскага аблвыканкама Сяргей Савіцкі. Ён жа ўручыў шэрагу жанчын ордэн Маці — узнагароду, якой адзначаюць у Беларусі шматдзетных матуль з адказным падыходам да выхавання дзяцей.

Ул. інф. Фота Галіны Гаўрыловіч.