Малочнага статку пабольшала
Па стане на 1 кастрычніка (дадзеныя Бабруйскага райсельгасхарчу) у раёне налічвалася 25 813 галоў буйной рагатай жывёлы ці 106,7% да адпаведнага перыяду папярэдняга года. Пры гэтым, найбольшы прырост БРЖ (+ 716 галоў) адзначаны ў ААТ “Агракамбінат Бабруйскі”. У гэтай жа сельгасарганізацыі найбольш “прыраслі” і па дойным статку (+60 галоў) — у раёне на 1 кастрычніка ён склаў 8510 галоў.
Што да вытворчасці малака, то яна за студзень-кастрычнік у цэлым па раёне павялічылася да аналагічнага перыяду 2022 года на 4,3% і склала 31 342 тоны. У тым ліку за верасень вытворчасць склала 3306,2 тоны (тэмп росту — 106,8%).
Удой на адну карову за 9 месяцаў атрыманы ў раёне ў памеры 3690 кг, што на 203 кг болей, чым за 9 месяцаў мінулага года. Пры гэтым найбольшая прадуктыўнасць статку дасягнута ў філіяле “Варатынь” ААТ “Бабруйскі завод ТДіА” (5749 кг).
Рэалізацыя малака за 9 месяцаў у цэлым па раёне ўзрасла на 5% — да 28 654,4 тоны.
Вырошчванне буйной рагатай жывёлы ў студзені-верасні склала 3076,9 тоны (тэмп рочту 119,7%). Сярэднесутачныя прывагі буйной рагатай жывёлы на вырошчванні і адкорме склалі 638 грам, што на 64 г болей, чым за адпаведны перыяд папярэдняга года. У ААТ “Саўгас Кісялевічы” прывагі атрыманы звыш 700 грам (773 г).
Алена КАРПЕНКА.
Фота носіць ілюстрацыйны характар.