У райвыканкаме прайшло пасяджэнне раённага штаба па АЧС
Чарговае пасяджэнне штомесячнага раённага штаба па прыняцці мер па папярэджанні занясення і распаўсюджанні афрыканскай чумы свіней на тэрыторыі Бабруйскага раёна прайшло ў райвыканкаме сёння. Удзел у яго рабоце прыняў старшыня раённага выканаўчага камітэта Аляксандр Сухадольскі.
Кіраўнік раёна засяродзіў увагу на значнасці абмяркоўваемых пытанняў. Членаў штаба заклікаў прадпрыняць неабходныя меры па азнаямленні ў тым ліку насельніцтва з мерамі прафілактыкі, накіраванымі на папярэджанне занясення на тэрыторыю раёна небяспечных, эканамічна стратных хвароб. Прыкметы афрыканскай чумы свіней і курынага грыпу, па словах галоўнага ветэрынарнага ўрача раёна Максіма Харытонава, зафіксаваны на тэрыторыі некаторых памежных з Рэспублікай Беларусь краін.
— У цэлым жа мэта сённяшняга пасяджэння — разглядзець выкананне даручэнняў пратакола мінулага штаба. Паставілі таксама задачы на бліжэйшую перспектыву па мерах прафілактыкі, здольных не дапусціць на тэрыторыю раёна, нашых гаспадарак, якія займаюцца птушкаводствам і свінагадоўляй, афрыканскай чумы свіней і птушынага грыпу, — адзначыў старшыня раённага штабу, першы намеснік старшыні райвыканкама Аляксей Жураўлёў.
Алена КАРПЕНКА. Фота аўтара.