Пасяджэнне Бабруйскай раённай камісіі па рэалізацыі патрабаванняў Дырэктывы Прэзідэнта Рэспублікі Беларусь ад 11 сакавіка 2004 года №1 “Аб мерах па ўмацаванні грамадскай бяспекі і дысцыпліны” прайшло ў раённым выканаўчым камітэце сёння.

Узначаліла работу камісіі намеснік старшыні райвыканкама Таццяна Варанко. Удзел у пасяджэнні прынялі старшыня райсавета дэпутатаў Геворг Мелканян, пракурор раёна Генадзь Ярмак, галоўны ўрач БГП №2 Міхаіл Семянюк, прадстаўнікі служб, упраўленняў і аддзелаў райвыканкама, старшыні сельвыканкамаў.  

Члены камісіі абмеркавалі ход выканання мерапрыемстваў па аказанні дапамогі самотным грамадзянам і тым, хто самотна пражывае, ветэранам Вялікай Айчыннай вайны, інвалідам 1-2-й груп, шматдзетным, няпоўным сем’ям і тым, якія знаходзяцца ў сацыяльна небяспечным становішчы, у рамонце пячнога ацяплення, электраправодкі, усталявання АПА — даклад пра гэта зрабіла дырэктар раённага цэнтра сацыяльнага абслугоўвання насельніцтва Таццяна Тарасевіч.  

Шмат увагі было ўдзелена пытанню работы саветаў грамадскіх пунктаў аховы правапарадку ў 2022 годзе і ўдзеле ў іх прадстаўнікоў дзяржаўных органаў, пра што далажыў начальнік аддзела ідэалагічнай работы і па справах моладзі райвыканкама Дзмітрый Вяроўкін.

Была абмеркавана інфармацыйная запіска Магілёўскага абласнога ўпраўлення Міністэрства па надзвычайных сітуацыях аб праведзеным прафілактычным мерапрыемстве (з дакладам і справаздачай па ёй выступілі першы намеснік начальніка Бабруйскага ГРАНС Павел Шарснёў і старшыня Слабодкаўскага сельвыканкама Анатоль Шэлег). Былі разгледжаны іншыя пытанні кампетэнцыі камісіі.

Алена КАРПЕНКА.