Урад вызначыў пералік арганізацый і інвестпраектаў па будаўніцтве (рэканструкцыі) малочна-таварных комплексаў. Гэта прадугледжана пастановай Савета Міністраў ад 20 студзеня 2023 года №50, якая афіцыйна апублікавана на Нацыянальным прававым інтэрнэт-партале.

З дзесяці інвестыцыйных праектаў Магілёўскай вобласці чатыры будзе рэалізавана ў Магілёўскім раёне, тры — у Кіраўскім, адзін — у Горацкім і два — у Бабруйскім. Што да апошняга, то размова ідзе пра будаўніцтва малочна-таварных комплексаў на 600 галоў дойнага статка ў філіяле “Харчавік-Агра” ААТ “Чырвоны харчавік-АграСэрвіс” (паблізу аг. Цялуша) і ААТ “Міхалёўская Ніва” (паблізу аг. Міхалёва-1).    

Згодна з пастановай, ААТ “Белаграпрамбанк” прапанавана штомесяца прадастаўляць Міністэрству сельскай гаспадаркі і харчавання, Міністэрству фінансаў, Міністэрству эканомікі, аблвыканкамам інфармацыю пра агульную суму крэдытаў, прадугледжаных дамовамі, заключанымі ў мэтах фінансавання інвестпраектаў, сумах прадастаўленых крэдытаў і іх вяртання (пагашэння) ў справаздачным перыядзе.

Ул. інф. Фота носіць ілюстрацыйны характар.