На Днях жывёлавода падводзяць вынікі работы за год
На тыдні ў сельгасарганізацыях раёна прайшлі традыцыйныя Дні жывёлавода, падчас якіх кіраўнікі і галоўныя спецыялісты гаспадарак сустрэліся з калектывамі комплексаў і ферм, падвялі вынікі работы за папярэдні месяц і 2022 год, павіншавалі перадавікоў вытворчасці, засяродзілі ўвагу на недапрацоўках і спосабах пазбаўлення ад іх.
У СВК “Гігант”, да прыкладу, Дзень жывёлавода прайшоў учора. Разам з падвядзеннем вынікаў работы жывёлагадоўчых аб’ектаў за снежань і мінулы год у гаспадарцы выпрацавалі меры па павышэнні вытворчасці і адзначылі пераможцаў.
Імі прызнаны: жывёлавод ТФ №1 Наталля Валянцінаўна Фёдарава — за атрыманне валавых прывагаў на вырошчванні маладняку буйной рагатай жывёлы за кастрычнік у памеры 49,85 цэнтнераў, сярэднесутачныя прывагі па двух групах склалі 820 грам, захаванасць маладняку — 100 працэнтаў; жывёлавод па доглядзе за дойным статкам МТК Сяргей Рыгоравіч Бабкоў і слесар малочнага абсталявання МТФ №2 Аляксандр Мікалаевіч Лепяшкоў — за добрасумленныя адносіны да працоўных абавязкаў.
Алена КАРПЕНКА.