Прайшло пасяджэнне прэзідыума райсавета дэпутатаў
Чарговае пасяджэнне прэзідыума Бабруйскага раённага Савета дэпутатаў 28-га склікання пад старшынствам Геворга Мелканяна, старшыні райсавета дэпутатаў, прайшло ў райвыканкаме. Народныя выбраннікі абмеркавалі меры па рашэнні праблемных пытанняў у ходзе выканання асноўных паказчыкаў сацыяльна-эканамічнага развіцця Бабруйскага раёна.
Дакладваючы па гэтым пытанні, начальнік аддзела эканомікі райвыканкама Таццяна Сцепанян засяродзіла ўвагу на асноўных паказчыках, выкананне якіх па выніках бягучага года не выклікае сумненняў, а разам і тых, што патрабуюць павялічанай увагі. У ліку апошніх — паказчык па росце інвестыцый у асноўны капітал у суадносных цэнах, заданняў па вытворчасці прадукцыі сельскай гаспадаркі ў сельгасарганізацыях, па экспарце тавараў і паслуг, рознічным тавараабароце гандлю. Для забеспячэння выканання асноўных паказчыкаў сацыяльна-эканамічнага развіцця раёна ў выпрацаваным прэзідыумам райсавета дэпутатаў рашэнні структурным падраздзяленням райвыканкама, арганізацыям раёна ўказана прыняць вычарпальныя меры па выкананні даведзеных на год заданняў, па рэалізацыі распрацаваных дзеля гэтага мер, актывізаваць работу па прыцягненні ў гаспадарчы абарот маёмасці, якая знаходзіцца ў камунальнай уласнасці і не выкарыстоўваецца; усебакова садзейнічаць інвестарам у рэалізацыі на тэрыторыі раёна інвестыцыйных праектаў; СВК “Гігант” актывізаваць работу па рэканструкцыі таварнай фермы “Бірча” для адкорму буйной рагатай жывёлы на тысячу галоў; Бабруйскаму адасобленаму структурнаму падраздзяленню Кіраўскага райста прыняць дзейсныя меры па нарошчванні аб’ёмаў рознічнага тавараабароту і выкананні даведзенага задання па тэмпе яго росту і г. д.
Задача структурных падраздзяленняў райвыканкама, арганізацый і прадпрыемстваў усіх форм уласнасці, дэпутатскага корпусу — і гэта адзначана ў прынятым рашэнні прэзідыума — зрабіць усё магчымае для выканання даведзеных заданняў і прагнозных паказчыкаў, бо за імі галоўнае — дабрабыт нашых жыхароў, — адзначыў Геворг Мелканян.
Алена КАРПЕНКА. Фота аўтара.