Прадстаўнікі Бабруйскага раённага камітэта грамадскага аб’яднання “Беларускі рэспубліканскі саюз моладзі” сустрэліся сёння з актывам пярвічнай арганізацыі “БРСМ” і старшакласнікамі Хімоўскай сярэдняй школы ў сценах навучальнай установы, пагутарылі пра Дзень народнага адзінства, які ў Беларусі адзначаць у бліжэйшую суботу.

Падчас “адкрытага дыялогу” з вучнямі абмеркавалі гісторыю ўзнікнення свята, значэнне яго для нашай дзяржавы і кожнага з нас. Была засяро­джана ўвага на тым, што 17 верасня для Беларусі — надзвычай значная дата: у гэты дзень 1939 года наш народ стаў адзіным.
— Вучні праявілі жывы інта­рэс да тэмы, актыўна ўдзельнічалі ў дыялогу, задавалі пытанні, рабілі абагульненні, — адзначыў першы сакратар Бабруйскага райкама ГА “БРСМ” Сяргей Сарокін.
Таксама падчас мерапрыемства былі абмеркаваны пытанні дзейнасці Беларускага рэспубліканскага саюза моладзі, у тым ліку на тэрыторыі Баб­руйскага раёна, удзел членаў школьнай “пярвічкі” ў шматлікіх праектах раённай моладзевай арганізацыі.

Алена КАРПЕНКА.
Фота Юрыя ЮРКЕВІЧА.