Падпісана яшчэ адна дамова паміж Бабруйскім райвыканкамам і БНБК-Агра

Акцыі яшчэ двух адкрытых акцыянерных таварыстваў, якія знаходзяцца ва ўласнасці Бабруйскага раёна: ААТ “Неўскі-Агра” і ААТ “Міхалёўская Ніва”, перададзены ў давернае кіраванне ТАА “БНБК-Агра” — дамову аб гэтым падпісалі сёння Бабруйскі раённы выканаўчы камітэт у асобе старшыні райвыканкама Аляксандра Сухадольскага і Таварыства з абмежаванай адказнасцю “БНБК-Агра” ў асобе дырэктара Надзеі Каткавец.  

Па ўмовах дамовы, з сённяшняга дня і на працягу трох год ААТ “Неўскі-Агра” і ААТ “Міхалёўская Ніва”, гэтак жа, як і адкрытыя акцыянерныя таварыствы “Саўгас Кісялевічы” і “Агракамбінат Бабруйскі” (дамова была падпісана раней), а таксама сельгасарганізацыі Глусчыны і Асіповіцкага раёна будуць удзельнічаць у забеспячэнні зернем кукурузы і збажыны Беларускую нацыянальную біятэхналагічную карпарацыю, а разам і рэалізаваць мерапрыемствы па павышэнні эфектыўнасці сваёй дзейнасці.

— Час, што прайшоў ад папярэдняй дамовы, паказаў, што станоўчае для раёна ёсць: у жывёлагадоўлі — прыкметны рост вытворчасці, не толькі захаваны, але створаны новыя працоўныя месцы, вырас заробак у працаўнікоў, — адзначыў кіраўнік раёна.

Надзея Каткавец, дзякуючы райвыканкам за садзеянне, заўважыла, што абавязацельствы, якія бралі на сябе бакі, выконваюцца, і запэўніла ў такім жа падыходзе ў далейшым.

Да слова сказаць, ТАА “БНБК-Агра” ўваходзіць у склад ЗАТ “Беларуская нацыянальная біятэхналагічная карпарацыя”. Апошняе, у адпаведнасці з Указам Прэзідэнта Рэспублікі Беларусь, рэалізуе маштабны экспартаарыентаваны і імпартазамяшчальны інвестыцыйны праект “Арганізацыя высокатэхналагічнай аграпрамысловай вытворчасці поўнага цыкла на 2016-2032 гады”. У задачах “БНБК-Агра” — забяспечваць высокатэхналагічную вытворчасць уласным зернем, а разам і фінансава аздараўляць неплацежаздольныя сельгаспрадпрыемствы, укараняючы там прынцыпы тэхналагічнага падыходу да вытворчасці прадукцыі. Тым болей што перад АПК краіны па-ранейшаму стаіць задача нарошчваць вытворчасць сельгаспрадукцыі, якая, з аднаго боку, дазволіць мінімізаваць імпарт, забяспечваючы ўнутраныя патрэбы краіны, з другога — будзе экспартавацца за мяжу па канкурэнтаздольнай цане.

Алена КАРПЕНКА. Фота Юрыя ЮРКЕВІЧА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.