На Дні жывёлавода падводзяць вынікі за красавік
Штомесяца, у першай яго палове, як мы раней паведамлялі, у раённых сельгасарганізацыях ладзяцца Дні жывёлавода. Іх мэта — падвесці вынікі папярэдняга месяца, супаставіць узятыя на сябе заданні з тым, што ўдалося дасягнуць, адзначыць перадавікоў вытворчасці, знайсці рашэнне актуальных пытанняў.
У СВК “Гігант”Дзень жывёлавода прайшоў 12 мая на малочна-таварных фермах №1 “Вялікія Бортнікі” і №2 “Малыя Бортнікі”, а таксама на малочна-таварным комплексе і таварнай ферме №4 “Азёры”.
У калектывах у гэты дзень падвялі вынікі работы жывёлагадоўчых аб’ектаў за красавік, выпрацавалі меры па павелічэнні вытворчасці працы, адзначылі перадавікоў.
Так, на МТФ “Вялікія Бортнікі” выдатнага вытворчага паказчыку (сярэднесутачныя прывагі па трох групах 1 357 г) дасягнула жывёлавод на адкорме маладняку буйной рагатай жывёлы Наталля Валянцінаўна Фёдарава. На МТФ “Малыя Бортнікі” — жывёлавод па вырошчванні маладняку БРЖ Валянціна Аляксееўна Мельнік (за сярэднесутачныя прывагі па двух групах 786 г). На ТФ “Азёры” — жывёлавод па вырошчванні маладняку БРЖ Ганна Уладзіміраўна Акуліч (сярэднесутачныя прывагі 942 г). Перадавіком на МТК прызнана жывёлавод па вырошчванні маладняку БРЖ Валянціна Мікалаеўна Сыцько за сярэднесутачныя прывагі 828 г. А Таццяна Аляксандраўна Дайнэка, загадчыца МТФ №1, адзначана каштоўным падарункам за добрыя паказчыкі фермы па выніках першага квартала.
Уласн. інф.