У сувязі з надзвычайнай сітуацыяй на тэрыторыі паўднёвай краіны-суседкі Беларускі Чырвоны Крыж атрымлівае шмат запытаў ад насельніцтва пра магчымасць дапамагчы вымушаным перасяленцам з Украіны, якія апынуліся на тэрыторыі Беларусі. Па словах старшыні Бабруйскай раённай арганізацыі РГА “Беларускае Таварыства Чырвонага Крыжа” Юліі Шапялевіч, дадзеную кампанію падтрымалі і ў Бабруйскім раёне.

Вяскоўцы і работнікі раённых арганізацый, якія б хацелі дапамагчы людзям у складанай жыццёвай сітуацыі, могуць прапанаваць гуманітарную дапамогу ці зрабіць дабрачынны плацёж.

расчетный счет BY20BLBB30150700202820001001

Пожертвование можно перечислить на счета Могилевской областной организации Республиканского общественного объединения «Белорусское Общество Красного Креста» УНН 700202820212030 г. Могилев ул. Первомайская 52:

благотворительный счет BY27 BLBB 3135 0700 2028 2000 1001

Дирекция ОАО «Белинвестбанк» по Могилевской обл. г. Могилева, БИК BLBBBY2X, ОКПО 28321680

Гэтым часам, як адзначыла Юлія Сяргееўна, асабліва вострая патрэба ў прадуктах харчу (пюрэ, кашы, макароны хуткага прыгатавання, пакеціраваны чай, кава і інш.); дзіцячым харчаванні (кашы, дзіцячыя сумясі); дзіцячых падгузніках любых памераў; сродках гігіены (зубная паста, мыла, гель для душа, шампунь, вільготныя сурвэткі); ніжняй бялізне (новай); коўдрах і пледах. “Ёсць патрэба ў любой падтрымцы, і кожны з нас можа яе аказаць”, — заўважыла Юлія Шапялевіч. Ад імя раённай арганізацыі яна заклікала паўдзельнічаць у дабрачыннай кампаніі шляхам аказання дапамогі ў натуральным ці грашовым выглядзе і падзякавала ўсім, хто на заклік адгукнецца.

Прадукты харчу і іншае неабходнае можна даставіць у Бабруйскі раённы Цэнтр сацыяльнага абслугоўвання насельніцтва па адрасе: г. Бабруйск, вул. Чангарская, д. 81/25.  

***

Далучылася да дабрачыннай кампаніі па зборы сродкаў для вымушаных перасяленцаў з Украіны і Бабруйская раённая арганізацыя Беларускага прафсаюза работнікаў аграпрамысловага комплексу. Як паведаміла старшыня райкама прафсаюза работнікаў АПК Надзея Дудаль, члены пярвічных прафсаюзных арганізацый актыўна ўдзельнічаюць у кампаніі — робяць дабрачынныя (асабістыя) ахвяраванні на дабрачынны рахунак Гомельскай абласной арганізацыі РГА “Беларускае Таварыства Чырвонага Крыжа”. Падрабязнасці можна даведацца па тэлефоне: 71-89-11.

***

Не застаецца ў баку раённая моладзь. Па словах першага сакратара РК ГА “БРСМ” Дзіяны Каштанавай, раённы камітэт “БРСМ”, падобна Магілёўскаму абласному, арганізаваў “Пункт дабрыні” — ініцыятыва створана ў мэтах арганізацыі своеасаблівай дабрачыннай пляцоўкі па зборы рэчаў першай неабходнасці (прадуктаў харчу хуткага прыгатавання і сродкаў гігіены) для перасяленцаў з Украіны на тэрыторыю Беларусі. Раённы “Пункт дабрыні” размяшчаецца па адрасе: г. Бабруйск, вул. Савецкая, д. 77-а, пакой №213.

Падрыхтавала Алена КАРПЕНКА.