Справы малочныя

Валавая вытворчасць малака ў сельгасарганізацыях раёна за студзень-люты склала 6423,9 тоны або 102% да ўзроўню 2021 года. Найбольшы рост вытворчасці дасягнуты ў СВК “Гігант” — 195% (надоена 1282,9 т), другая пазіцыя ў гэтым плане за ААТ “Міхалёўская Ніва” — 113,4% (1021,8 т), трэцяя за філіялам “Варатынь” ААТ “БЗТДіА” — 104,3%, пры тым што аб’ёмы вытворчасці ў гэтай гаспадарцы найвялікшыя — 1954,5 т. Іншыя сельгаспрадпрыемствы мінулагодняга ўзроўню вытворчасці не дасягнулі.

Рэалізацыя малака за два месяцы склала 5830,7 т ці 102,7% пры таварнасці 91%.
Сярэдні ўдой малака ад каровы за студзень-люты склаў у раёне 726 кг (101,4%). Пры гэтым найболей на рагулю надаілі ў філіяле “Варатынь” — 1306 кг, што на 28 кг болей, чым за адпаведны перыяд папярэдняга года. Другі па велічыні паказчык у філіяла “Харчавік-Агра” ААТ “Чырвоны харчавік АграСэрвіс” — 1034 кг (-188 кг), трэці — у СВК “Гігант” (1005 кг; +490 кг).
Вырошчванне буйной рагатай жывёлы за 2 месяцы склала 504,3 т ці 100,1%. У тым ліку ў СВК “Гігант” атрымана 125,4 т (153%), у філіяле “Варатынь” — 110,3 т (98,2%), у “Міхалёўскай Ніве” — 69,9 т (121%), у ААТ “Саўгас Кісялевічы” — 19,9 т (101%), у “Харчавіку-Агра” —
46,1 т ці 100%. Астатнія сельгасарганізацыі спрацавалі ніжэй ўзроўню мінулага года.
Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.