Валавая вытворчасць малака расце
У хуткім часе можна будзе падвесці вынікі таго, як спрацавала жывёлагадоўля сельгасарганізацый у 2021 годзе. Цяпер жа прыводзім асноўныя паказчыкі развіцця малочнай галіны раёна за дзень.
Як паведамілі ў райсельгасхарчы, па стане на 4 студзеня валавая вытворчасць малака за дзень у раёне склала 103 тоны або 102% у параўнанні да адпаведнага дня мінулага года. Рэалізавана за дзень 94 тоны (103%). Таварнасць малака склала 91%.
Найбольшага росту надояў дасягнулі ў СВК “Гігант” — 220%. Гаспадарка апошнім часам упэўнена нарошчвае аб’ёмы вытворчасці каштоўнага прадукту. Утрымалі пазіцыю па тэмпах росту вытворчасці ў ААТ “Стасеўка” — 124%. Працягнулі павялічваць надоі жывёлаводы ААТ “Міхалёўская Ніва” (тэмп росту 114%), ААТ “Саўгас Кісялевічы” (104%), філіяла “Харчавік-Агра” ААТ “Чырвоны харчавік АграСэрвіс” — 102%. Вышэйпералічаныя гаспадаркі спрацавалі з плюсам таксама і па рэалізацыі малака дзяржаве.
Лідарства па ўдоях на карову па-ранейшаму за філіялам “Варатынь” ААТ “БЗТДіА” — 21,3 кг. Другі па велічыні паказчык дасягнуты работнікамі філіяла “Харчавік Агра” ААТ “Чырвоны харчавік АграСэрвіс”— 16,4 кг, трэці — СВК “Гігант” (15,2 кг). У сярэднім жа па раёне ад рагулі ў дзень узялі па 11,6 кг малака (+0,2 кг).
Алена КАРПЕНКА. Фота носіць ілюстрацыйны характар.