Сёння работнікі структурных падраздзяленняў устаноў культуры Бабруйскага раёна падвялі вынікі работы за 2021 год, паставілі задачы на бягучы — нарада прайшла пад кіраўніцтвам начальніка аддзела ідэалагічнай работы, культуры і па справах моладзі райвыканкама Дзмітрыя Вяроўкіна.

У актавай зале раённага Цэнтра культуры, дзе прайшло мерапрыемства, сабраліся прадстаўнікі клубнай і бібліятэчнай сістэм раёна, раённай дзіцячай школы мастацтваў, раённага гісторыка-краязнаўчага музея — усе тыя, хто захоўвае культурныя набыткі жыхароў Прыбярэзінскага краю, напаўняе жыццё вяскоўцаў яскравымі фарбамі. Абмеркавалі не толькі дасягненні года, але і праблемныя пытанні, шляхі іх вырашэння.

Калектывам і работнікам галіны культуры, чыя праца па выніках года прызнана найбольш паспяховай, уручаны заслужаныя ўзнагароды.  

Падрабязнасці — глядзіце ў фотарэпартажы.

Ул. інф. Фота Юрыя ЮРКЕВІЧА.