У Бабруйскім раёне вызначыліся з найлепшым тэхнікам-асемянатарам

Традыцыйны конкурс работнікаў па штучным асемяненні кароў і цялушак прайшоў у раёне сёння — мерапрыемства ладзілася на базе філіяла “Варатынь” ААТ “БЗТДіА”.  Судзейскую калегію ўзначаліў Цімафей Салановіч, намеснік начальніка аддзела па племянной рабоце РУСПП “Магілёўскае дзяржплемпрадпрыемства”.

За перамогу ў конкурсе сёлета спаборнічаў 21 тэхнік-асемянатар сельгасарганізацый, як вопытныя, так і моладзь. Каб пацвердзіць свой прафесіяналізм, кожнаму прыйшлося прайсці праз тэарэтычны і практычны іспыт, улічваліся таксама і дасягненні ў рабоце канкурсантаў непасрэдна на працоўных месцах. 

Па выніках конкурсу судзейская калегія вылучыла тройку лепшых работнікаў па штучным асемяненні кароў і цялушак. Так, 1-е месца прысуджана Таццяне Фаміной з ААТ “Неўскі-Агра”, 2-е — Наталлі Акуліч з філіяла “Варатынь” ААТ “БЗТДіА”, 3-е — Вользе Астапенка з ААТ “Агракамбінат Бабруйскі”. Не абыйшлося, вядома ж, без падарункаў.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.