Работнікі філіяла “Варатынь” удастоены высокіх узнагарод

Прыемная ўрачыстасць адбылася сёння ў Варатынскім СДК — памочнік генеральнага дырэктара ААТ “МТЗ” па сельскай гаспадарцы прадпрыемстваў ХОЛДЫНГА-МТЗ Уладзімір Уладзіміравіч Піскіжаў уручыў лепшым работнікам філіяла “Варатынь” ААТ “БЗТДіА” — аднаму з сельгаспрадпрыемстваў холдынга — высокія ўзнагароды з нагоды плённай працы і ў сувязі з 75-годдзем з дня заснавання Мінскага трактарнага завода.

На ўрачыстасці прысутнічалі першы намеснік старшыні Бабруйскага райвыканкама, начальнік райсельгасхарчу Аляксей Жураўлёў, старшыня райсавета дэпутатаў Геворг Мелканян і памочнік дырэктара па сельскай гаспадарцы ААТ “БЗТДіА” Марына Аўрамчык.

Узнагарод удастоены:

Юбілейных медалёў “100 год органам дзяржаўнага кіравання сельскай гаспадаркай і харчаваннем Беларусі” — аператары машыннага даення МТФ №1 Ганна Пятроўна Капусціна, Валянціна Васільеўна Фісюк і Наталля Віктараўна Цэдрык;

Ганаровай граматы Міністэрства сельскай гаспадаркі і харчавання — Марына Мікалаеўна Аўрамчык і трактарыст-машыніст філіяла “Варатынь” Аляксандр Уладзіміравіч Талкачоў;

Удзячнасці Міністра сельскай гаспадаркі і харчавання — начальнік участка малочна-таварнай фермы №1 філіяла “Варатынь” Фёдар Васільевіч Козыраў і аператар машыннага даення фермы Алена Віктараўна Усцінава.

Алена КАРПЕНКА. Фота Юрыя ЮРКЕВІЧА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.