Увага — да палявых работ
З пачаткам мая работы на палях раёна працягваюцца. Гэта датычыцца ворыўных работ і работ па закрыцці вільгаці, падсейвання мнагалетняй травы. Падыходзіць да фіналу сяўба цукровых буракоў — па стане на раніцу ўчарашняга дня з 600 га, якія планаваліся пад культуру, было пасеяна 565 га (дасейваюць у ААТ “Міхалёўская Ніва”).
У радзе сельгасарганізацый займаюцца пасевам кукурузы. Да філіялу “Харчавік-Агра” ААТ “Чырвоны харчавік АграСэрвіс”, дзе за гэтую справу ўзяліся першымі і ўжо пасеялі 290 га з 450-ці, на тыдні далучыліся ААТ “Агракамбінат Бабруйскі” (пасеяна 275 га з 1800), ААТ “Неўскі-Агра” (160 га з 800), філіял “Варатынь” ААТ “БЗТДіА” (75 га з 750-ці) і ААТ “Міхалёўская Ніва” (160 га з 750-ці) — усяго пасеяна 960 га з 6850 га запланаваных, і гэтая работа працягваецца. У СВК “Гігант” і ААТ “Неўскі-Агра” прыступілі да пасадкі бульбы, пад якую сёлета ў раёне адведзена 525 га, з іх 400 — у “Гіганце”.
Не спыняюцца работы па доглядзе пасеваў. У ААТ “Стасеўка” і ААТ “Агракамбінат Бабруйскі” завяршаюць падкормку азімых збожжавых раслін — іншыя з гэтым відам работ справіліся. У ААТ “Аграмашсэрвіс” завяршаюць падкормку азімага рапсу. Вядуцца хімпраполка азімай збажыны (лідары тут “Харчавік-Агра” і ЗАТ “Птушкафабрыка “Вішнёўка”) і іншыя, характэрныя для пары, доглядныя справы.
Алена КАРПЕНКА.