Сёння ў раённым Цэнтры культуры прайшла ўрачыстасць, прысвечаная Дню працы. Напярэдадні прафсаюзнага свята, якім з’яўляецца Першамай, да работнікаў раёна, членаў прафсаюзаў звярнулася старшыня Бабруйскага раённага аб’яднання прафсаюзаў Людміла Балакер.

Лідар раённага прафсаюзнага руху нагадала аб дасягненнях краіны і Бабруйскага раёна за апошнія гады, павіншавала ўсіх з надыходзячым святам, падзякавала за неацэнны ўнёсак, які кожны сваёй працаў зрабіў на карысць дзяржавы, пажадала прысутным міру, здароўя, веснавога настрою і ўзнагародзіла актывістаў. Узнагароды найбольш актыўным членам “пярвічак” уручылі таксама старшыні галіновых райкамаў прафсаюза Таццяна Бокач і Жана Любанец.

Цудоўны падарунак удзельнікам урачыстасці зрабілі творчыя калектывы раёна. Танцы і песні пра родную краіну, сям’ю, каханне, шчасце жыць у міры, згодзе і ладзе прысутныя сустракалі і праводзілі гучнымі апладысментамі.

Фота Юрыя ЮРКЕВІЧА.