“Мы ў адказе за жыццё і здароўе дзяцей”
Бацькоўскі сход пад такой назвай сабраў у актавай зале раённага Цэнтра культуры ў чацвер бацькоўскі школьны актыў, бацькоў, чые дзеці прызнаны ў сацыяльна небяспечным становішчы, прадстаўнікоў устаноў адукацыі і службаў прафілактыкі: камісіі па справах непаўналетніх райвыканкама, інспекцыі па справах непаўналетніх РАУС, раённых сацыяльна-педагагічнага цэнтра, цэнтра творчасці, гаррайаддзела па НС, гарадской паліклінікі №2, Бабруйскага наркалагічнага дыспансера, занальнага цэнтра гігіены і эпідэміялогіі, РК ГА “БРСМ”, раённага цэнтра сацабслугоўвання насельніцтва, а таксама сацыяльна-асветніцкай установы “Цэнтр падтрымкі сям’і, мацярынства і дзяцінства “Покрыва”.
Мэта мерапрыемства — прафілактыка безнагляднасці і правапарушэнняў непаўналетніх, у тым ліку ў летні перыяд, насілля і жорсткага абыходжання з дзецьмі, фарміраванне адказных адносін да выканання бацькоўскіх абавязкаў.
— Сённяшні дыялог — надзвычай важны. Ад ступені ўсведамлення вамі атрыманай інфармацыі будзе залежаць бяспека дзяцей. Спадзяюся, што пачутае і абмеркванае кожны з прысутных данясе ў свае сем’і, працоўныя калектывы, папярэдзіўшы тым самым сыход непаўналетніх з роўнай дарогі, зберажэ іх здароўе і жыццё, — адзначыла на сходзе намеснік старшыні Бабруйскага райвыканкама, старшыня камісіі па СН Таццяна Варанко. Яна заклікала ўдзельнікаў сходу не заставацца абыякавымі, паведамляць пра сямейную неблаганадзейнасць (у дачыненні дзяцей) у суседзяў, аднавяскоўцаў, што дазволіць не здарыцца непапраўнаму.
Падрабязнасці правядзення сходу чытайце ў наступным нумары “раёнкі”.
Фота Алены КАРПЕНКА.