Темы

У Бабруйскім раёне прайшоў абласны семінар па жывёлагадоўлі

У Бабруйскім раёне прайшоў абласны семінар па жывёлагадоўлі

Вынікі работы аграпрамысловага комплексу Магілёўшчыны за 2 месяцы года абмеркавалі прадстаўнікі абласнога камітэту па сельскай гаспадарцы і харчаванні, намеснікі начальнікаў райсельгасхарчаў па жывёлагадоўлі, кіраўнікі абласных і раённых службаў 11 сакавіка — семінар прайшоў на базе ААТ “Міхалёўская Ніва”.

— Месца семінару абрана незнарок, — адзначыў намеснік старшыні камітэту па сельскай гаспадарцы і харчаванні аблвыканкама Уладзімір Капусцін, — за кароткі час дырэктарства Алены Пацыенка ў гаспадарцы, якая яшчэ некалькі год таму значылася ў статусе банкрута, дасягнуты значныя станоўчыя зрухі ў малочнай галіне — за 2020 год удой на карову, у параўнанні да папярэдняга, павялічаны амаль удвая.

Як гэтага ўдалося дасягнуць, пазбегнуўшы вялікіх грашовых укладанняў, але праз узмоцненыя патрабаванні да працоўнай і вытворчай дысціпліны, строгі падыход да выканання тэхналагічных рэгламентаў і вялікае жаданне дырэктара пераламаць сітуацыю да лепшага, Алена Пацыенка падзялілася з прысутнымі.  

Зрэшты, менавіта зацікаўленасці ў выніках працы не дастае многім з тых, хто ўсклаў на сябе абавязкі развіваць у раёнах жывёлагадоўлю, — адзначыў Уладзімір Капусцін. Гэтым і толькі гэтым абгрунтаваў ён абыякавы падыход у шэрагу раёнаў, асобных гаспадарках да арганізацыі вытворчасці, грубыя парушэнні тэхрэгламентаў, у тым ліку выяўленыя паўторна. А ў выніку — невыкананне там даведзенага задання на студзень-люты па вытворчасці і рэалізацыі малака.  

Нагадаўшы пастаўленую перад жывёлагадоўляй вобласці амбіцыйную задачу, — атрымаць па выніках года сярэдні ўдой ад каровы 5 тысяч кг, намеснік старшыні камітэту заакцэнтаваў увагу на ўнутраных рэзервах гэтага, сярод якіх — расстаноўка рагуль па перыядах лактацыі, збалансаванасць рацыёнаў кармлення, адточванне тэхналогіі даення. Больш сур’ёзнай увагі, як было адзначана, патрабуе работа па ўзнаўленні буйной рагатай жывёлы, у тым ліку дойнага статку. У шэрагу раёнаў лічба жывёлы, якую асемянілі, не пацвердзілася атрыманым прыплодам, што ўказвае ў тым ліку на фармальны падыход да працэсаў асемянення, лячэння жывёлы. Патэнцыялам для нарошчвання аб’ёмаў вытворчасці і рэалізацыі малака было названа таксама завышанае — у многіх значна — унутрыгаспадарчае выкарыстанне прадукцыі, а таксама шэраг іншых фактараў, у аснове якіх — чалавечая сумленнасць і адказнасць за справу, якой займаешся. 

На плянарным пасяджэнні быў абмеркаваны аналіз работы па ўзнаўленні статку ў рэгіёнах вобласці за 2 месяцы (дакладчыкі: начальнік аддзела ветэрынарыі камітэта Сяргей Лебядзеў і гендырэктар РУСПП “Магілёўскае дзяржплемпрадпрыемства” Вадзім Лугавы).

Падчас практычнай часткі семінару ўдзельнікі семінару пазнаёміліся з арганізацыяй пляцоўкі для прыгатавання кормасумясі для дойнага статку на МТК в. Плёсы, намеснік начальніка Бабруйскага райсельгасхарчу Аляксандр Кісялёў распавёў пра спосаб прыгатавання корму. На тэрыторыі комплекса была заакцэнтавана ўвага на арганізацыйна-тэхналагічных патрабаваннях пры вытворчасці жывёлагадоўчай прадукцыі на МТК прамысловага тыпу, у тым ліку дэталях вытворчага працэсу, якія прама і ўскосна ўплываюць на аб’ёмы атрыманага малака.

Словам, інфармацыі, тэарэтычнай і практычнай, здольнай пасадзейнічаць дасягненню намечаных на год планаў па развіцці аграпрамысловага комплексу Магілёўшчыны, дадзена шмат. Як і акрэслены канкрэтныя крокі для раёнаў, дзе вынікі першых двух месяцаў патрабуюць ад адказных за жывёлагадоўлю рашучых мер рэагавання. Якім яно будзе — пакажа бліжэйшы час.

Алена КАРПЕНКА. Фота аўтара.

Последние новости

Происшествия и безопасность

Электрогрелки, электроодеяла, электропростыни: помните о безопасности при эксплуатации электронагревательных устройств

28 марта 2024
Актуально

Улучшите свою жизнь с Белтелеком: новые возможности для абонентов

28 марта 2024
Происшествия и безопасность

«Безопасные весенние каникулы»

28 марта 2024
Экономика

Цэны — пад прыцэлам

28 марта 2024
Сельское хозяйство

Ранние яровые зерновые и зернобобовые в Беларуси посеяны почти на 23% площадей

28 марта 2024
Общество

В профсоюзной организации Бобруйской районной детской школы искусств прошло отчетно-выборное собрание

28 марта 2024
Человек и природа

До +17°С и преимущественно без осадков будет сегодня в Беларуси

28 марта 2024
Актуально

Нарада-вучоба па пытаннях яравой сяўбы адбылася на базе філіяла “Харчавік-Агра”

27 марта 2024
Общество

Прошел обучающий семинар по соблюдению законодательства о труде во время весенне-полевых работ

27 марта 2024
В будущее вместе с нами

Жить здорово и по правилам 

27 марта 2024

Одноклассники

Районная газета «Трыбуна працы» основана 1 января 1982 года. Учредитель — Бобруйский районный исполнительный комитет. Подписной индекс издания 64092.
Главный редактор Ольга Геннадьевна ГРЕК.

Адрес редакции: г. Бобруйск, ул. Советская, 77-а, каб. 7 (здание районного Центра культуры).
Правила написания комментариев на сайте.
Е-mail редакции: pressa@tribunapracy.by.

Рекомендуем

Общество

В Бобруйском РОВД –– новое назначение   

22 марта 2024
Актуально

У раёне прайшлі “Засеўкі-2024”

26 марта 2024
Актуально

Поздравление от руководства Бобруйского района работникам сферы бытового обслуживания населения и жилищно-коммунального хозяйства

24 марта 2024
В будущее вместе с нами

В областном этапе конкурса «Я патриот своей страны» участвует школьница из Бобруйского района

20 марта 2024
Актуально

В Совет Республики выдвинули кандидата от Бобруйского района

19 марта 2024
Актуально

Веселые гуляния, концерт и блины: широкая Масленица прошла в Бобруйском районе

17 марта 2024
Актуально

В Каменской школе соревновались юные инспекторы дорожного движения

16 марта 2024
Человек и природа

О соблюдении Правил любительского рыболовства

16 марта 2024