Тэхнікі-асемянатары правялі нараду

На мінулым тыдні на базе СДК аг. Кавалі прайшла вучоба-нарада для тэхнікаў-асемянатараў раённых сельгасарганізацый. Арганізатарам мерапрыемства выступіла ўпраўленне па сельскай гаспадарцы і харчаванні райвыканкама сумесна з Бабруйскім філіялам Магілёўскага дзяржплемпрадпрыемства. Удзел у вучобе прыняў і ветэрынарны ўрач РУСПП “Магілёўскае Дзяржплемпрадпрыемства” Уладзімір Казак.

— Задача мерапрыемства — замацаваць веды і набыць новыя, на практыцы авалодаць сучаснымі прыёмамі штучнага асемянення, засяродзіць увагу на асабліва значным, тым, што здольна зрабіць асемяненне больш эфектыўным, — адзначыў намеснік начальніка райсельгасхарчу Аляксандр Кісялёў.

Падчас вучобы з тэхнікамі-асемянатарамі, сярод якіх нямала маладых спецыялістаў і тых, хто перавучыўся на прафесію, абмеркавалі асноўныя падыходы да асемянення буйной рагатай жывёлы. Уладзімір Казак заакцэнтаваў увагу на тэхналагічных прыёмах гэтага і новых падыходах да працэсу. У ліку іншых былі закрануты пытанні ранняй дыягностыкі сцельнасці жывёлы пасродкам УЗІ-зонду. Ад пачатку 2020 года ў раёне ў гэтых мэтах працуе група па ўзнаўленні статку з ліку спецыялістаў райветстанцыі і дзяржплемпрадпрыемства. Трэба адзначыць, што аказвае такую паслугу і прыватнік — гэта дазваляе адначасова ўстанавіць дыягназ захворвання рагулі і своечасова адрэагаваць на праблему. А ў цэлым — скараціць сэрвіс-перыяд, павялічыць прадуктыўнасць жывёлы.

Алена КАРПЕНКА. Фота аўтара.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.