Тэхналогіі і яшчэ раз тэхналогіі

У намінацыі “За павелічэнне вытворчасці рапсу” пераможцам прызнаны сельскагаспадарчы вытворчы кааператыў “Гігант”, кіраўніком якога з нядаўняга часу з’яўляецца Васіль Пятровіч Жук.

У мінулым годзе пад расліну ў гаспадарцы было занята 530 гектараў плошчаў, да ўборкі ж належала толькі 277 га: каля паловы пасеваў знішчыла непагадзь. Але дзякуючы дасягнутаму высокаму ўраджаю (44,6 цэнтнера з гектара ў вазе пасля дапрацоўкі) масланасення атрымалі нават болей (1 236 т), чым у папярэднім годзе (1 106 т), калі пасяўная і ўборачная плошчы складалі паўтысячы гектараў.

Чаму абавязаны ў “Гіганце” высокаму ўраджаю рапсу? На гэтае пытанне ў гаспадарцы адказваюць лаканічна — надвор’ю і строгаму падыходу да тэхналогіі выро­шчвання культуры. Сярод апошняга — належная апрацоўка глебы пад сяўбу, што стварыла спрыяльныя ўмовы для прарошчвання раслін, аптымальны тэрмін сяўбы, своечасовыя і ў поўным аб’ёме доглядныя мерапрыемствы, у тым ліку прымяненне неабходных мікраэлементаў, мінеральных угнаенняў.

Маючы лінію па перапрацоўцы рапсу, з сабранага ўраджаю ў СВК “Гігант” атрымалі алей і жмых для рэалізацыі. Апошні прызначаны таксама для выкарыстання ў якасці складаючай камбікармоў, якія гатуюць на ўласным камбікормавым заводзе для мэт жывёлагадоўлі і продажу.

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.