У раёне прайшоў адзіны дзень інфармавання

Галоўнай тэмай сустрэч раённых інфармацыйна-прапагандысцкіх груп з насельніцтвам і працоўнымі калектывамі Бабруйшчыны 21 студзеня стала абмеркаванне асноўных палажэнняў Праекта прагнозу сацыяльна-эканамічнага развіцця Рэспублікі Беларусь на 2021-2025 гады. Адпаведная тэма будзе вынесена таксама на абмеркаванне ўдзельнікаў  VI Усебеларускага народнага сходу.

Да калектываў была даведзена слушная на гэтую пару інфармацыя бяспечнай жыццядзейнасці. Ад ратавальнікаў — як правільна абыходзіцца з печчу, на які лёд нельга выходзіць, дадзены падрабязныя рэкамендацыі паводзін падчас галалёду, нізкіх тэмператур; ад работнікаў органаў унутраных спраў — як не стаць заложнікам інтэрнэт-махляроў і нячыстых на руку грамадзян. Начальнік інспекцыі Міністэрства па падатках і зборах РБ па Бабруйскім раёне Сяргей Шупянько, які ўзначальвае інфармацыйна-прапагандысцкую групу №6 (члены групы сустрэліся з калектывам ЗАТ “Птушкафабрыка “Вішнёўка”) разам з іншым заакцэнтаваў увагу на такіх актуальных тэмах, як прадастаўленне дэкларацый па падаходным падатку за 2020 год і аплата транспартнага падатку.  

Алена КАРПЕНКА. Фота аўтара.
На фота: члены інфармацыйна-прапагандысцкай групы №6 Сяргей Шупянько, начальнік пажарнай аварыйна-ратавальнай часці №4 Дзмітрый Юдзін, намеснік начальніка Бабруйскага РАУС Руслан Хамдамаў з калектывам птушкафабрыкі.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.