У мэтах удасканалення прафесійнага майстэрства

Як паведамілі ў вучэбна-метадычным кабінеце Бабрускага раёна, трох дыпломаў удастоены педагогі ўстаноў адукацыі па выніках абласнога этапу завочнага конкурсу метадычных распрацовак “Змястоўныя і метадычныя аспекты мадэлявання вучэбных заняткаў падчас вывучэння прадметаў сацыяльна-гуманітарнага накірунку на павышаным узроўні”.  

У ліку ўзнагароджаных Людміла Уладзіміраўна Емяльянава, настаўнік гісторыі і грамадазнаўства Туголіцкай сярэдняй школы, чыя работа ў намінацыі “Гісторыя і грамадазнаўства” адзначана дыпломам I ступені. Ірына Леанідаўна Тараховіч, настаўнік рускай мовы і літаратуры Ленінскага ВПК “Дз/сад-СШ”, атрымала дыплом III ступені ў намінацыі “Руская мова і літаратура”. Аксана Пятроўна Бусел, настаўнік англійскай мовы Бортнікаўскага ВПК “Яслі-сад-СШ”, стала ўладальнікам дыплома III ступені ў намінацыі “Замежная мова”.

На абласны этап конкурсу, які арганізаваў аддзел сацыяльна-гуманітарных дысцыплін Магілёўскага дзяржаўнага абласнога інстытута развіцця адукацыі, былі накіраваны метадычныя распрацоўкі 150 педагогаў Магілёўшчыны, у тым ліку 7 настаўнікаў нашага раёна — пераможцаў раённага этапу. Конкурс праводзіўся ў мэтах удасканалення прафесійнага майстэрства педагогаў, пошуку і распаўсюджвання эфектыўных педагагічных практык.

Алена КАРПЕНКА. 

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.