На святы — ў Мінск і Магілёў
Па традыцыі ў пераднавагоднія дні для школьнікаў ладзяцца шматлікія святочныя мерапрыемствы. І не толькі ў раёне.
Вучні, якія дасягнулі найлепшых поспехаў у вучобе, з найлепшага боку праявілі сябе ў інтэлектуальных і творчых конкурсах традыцыйна прымаюць удзел у Галоўнай елцы краіны. Сёлета гэтага пачэснага гонару былі ўдастоены 5-класнік Глушанскага ВПК “Дзіцячы сад-СШ” Артур Лугаўскі, вучаніца 5 класа Туголіцкай СШ Анастасія Сідарэнка і 7-класнік, стыпендыят спецыяльнага фонду Прэзідэнта Рэспублікі Беларусь Уладзіслаў Хаванскі з Міхалёўскага ВПК “Дзіцячы сад-СШ”.
Мерапрыемствы ў сталіцы доўжыліся на працягу двух дзён, 23-24 снежня. У першы з іх дзеці пабывалі на навагоднім відовішчы ў цырку, у другі — на навагоднім свяце з удзелам Прэзідэнта краіны ў Палацы Рэспублікі.
13 навучэнцаў раёна, сярод якіх выдатнікі вучобы, пераможцы вучнёўскіх прадметных алімпіяд, актывісты піянерскага руху, пабывалі на абласным дабрачынным свяце для дзяцей з удзелам кіраўніцтва вобласці — мерапрыемства адбылося 29 снежня. Магчымасць палюбавацца агеньчыкамі “губернатарскай ёлкі”, набрацца станоўчых уражанняў ад навагодняй урачыстасці атрымалі 3-класнікі Ангеліна Зарыцкая з Гарбацэвіцкай СШ і Аляксандра Тучкова з Міхалёўскага ВПК “Дзіцячы сад-СШ”, вучні чацвёртых класаў Аляксандра Рудзько з Глушанскага ВПК і Ксенія Радзіміновіч з Ленінскага ВПК. З гэтай жа ўстановы адукацыі пяцікласнік Станіслаў Коўганаў і яго аднагодка Дар’я Гальцова з Брожскай СШ, вучні шостых класаў Крысціна Канапліцкая з Варатынскай СШ, Анастасія Кіпель і Цімур Смольскі з Гарбацэвіцкай школы, 7-класніца Дар’я Пляханава з Хімоўскага ВПК “Дзіцячы сад-СШ”, а таксама вучні Цялушскага ВПК Аляксей Макаронак, Станіслаў Бялоўскі (8 клас) і Ілля Вілкс (9 клас).
Са святаў школьнікі вярнуліся не толькі са станоўчымі эмоцыямі, але і з навагоднімі падарункамі.
Алена КАРПЕНКА. Фота да матэрыялу – БЕЛТА.