Лепшы студатрад — з Ленінскага ВПК

Лепшым студэнцкім атрадам па выніках раённага конкурсу “Працоўны семестр-2020” прызнаны экалагічны атрад, сфарміраваны на базе Ленінскага ВПК “Дзіцячы сад-СШ”, які працаваў у Мірадзінскім лясніцтве ДЛГУ “Бабруйскі лясгас”— адпаведнае рашэнне ў снежні прыняло журы конкурсу пад старшынствам Таццяны Варанко, намесніка старшыні Бабруйскага райвыканкама.

Таксама былі падведзены вынікі ў іншых намінацыях.

Так, лепшым аздараўленчым лагерам працы і адпачынку з дзённым знаходжаннем прызнаны аздараўленчы лагер на базе Бортнікаўскага ВПК яслі-сад-СШ. Лепшым камандзірам студатрада — Карына Жандарава, лідар студэнцкага экалагічнага атрада імя Героя Савецкага Саюза Аркадзя Карпавіча Шмыгуна. Лепшым камандзірам аздараўленчага лагера працы і адпачынку з дзённым знаходжаннем стаў Даніла Масяйчук — камандзір аздараўленчага лагера, створанага на базе Бортнікаўскага ВПК.

Лепшым наймальнікам працоўнага семестру-2020 прызнаны ДЛГУ “Бабруйскі лясгас” (дырэктар Андрэй Мікалаевіч Цвірко).

Алена КАРПЕНКА.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.